PALEKKODAN MUHAMMADISHA DIED ON Feb-16-2013

പലേക്കോടന്‍ മുഹമ്മദിഷ മരണപ്പെട്ടു

പലേക്കോടന്‍ മുഹമ്മദിഷ (തയ്യില്‍ തൊടി)എന്നവര്‍ നീറാട് ഏറ്റവും പഴക്കം ചെന്ന പല ചരക്കു കച്ചവടക്കാരനാണ്, കുട്ടികളേയും, വലിയവരേയും ഒരുപോലെ സ്നേഹിച്ചിരുന്ന എന്റെ വല്യുപ്പയുടെ അനിയന്‍ ഇന്നലെ വൈകുന്നേരം കൊണ്ടോട്ടി മേര്സി ഹോസ്പിറ്റലില്‍ മരണപ്പെടുകയായിരുന്നു. ഇന്ന് രാവിലെ 10 മണിക്ക് നീറാട് വലിയ പള്ളിയില്‍ ഖബറടക്കി. വാര്‍ധക്യ സഹജമായ രോഗാവസ്ഥയിലും ഒരു നേരമെങ്കിലും മകന്‍ ഖാദര്‍ നടത്തുന്ന തന്റെ കടയില്‍ ഒന്ന് സന്ദര്‍ശനം നടത്തി നീരാട് ടൌണ്‍ പള്ളിയില്‍ നിന്നും ഒരു വഖ്ത് നിസ്കരിച്ചിട്ടു വരുകയെന്നത് തന്റെ കച്ചവടത്തോടും, പള്ളിയോടുമുള്ള ഒരു കടപ്പാട് പോലെ നില നിര്‍ത്തിയിരുന്നു. നമസ്ക്കാരത്തിന്നു കാലങ്ങളോളം നേതൃത്വം നല്‍കിയിരുന്നതും അദ്ദേഹമായിരുന്നു. അടുത്ത വെള്ളിയാഴ്ച അല്‍നൂര്‍ ആശുപത്രി പള്ളിയില്‍ വെച്ച്.നമുക്ക് അദ്ദേഹത്തിന്നു വേണ്ടി ജിദ്ദയില്‍ മയ്യിത്ത് നിസ്കരിക്കണം അള്ളാഹു അദ്ദേഹത്തിന്റെ സ്വാലിഹായ പ്രവര്‍ത്തനങ്ങളുടെ ഫലമായ സ്വര്‍ഗ്ഗത്തില്‍ നമ്മെയും ഒരുമിച്ചു കൂടുമാറാകട്ടെ. നീണ്ട 95 വയസ്സ് കാലത്ത് ഒരു ദുഷിച്ച വാക്കുപോലും ഉരുവിടാതെ നാട്ടുകാരുടെ എല്ലാവരുടെയും പ്രിയനായി മരണം വരിക്കുന്ന അപൂര്‍വ്വരില്‍ ഒരാളാണ് അദ്ദേഹം. അദ്ദേഹത്തിന്റെ പരലോക ജീവിതം അള്ളാഹു വിജയപ്പിക്കട്ടെ അമീന്‍.. അദ്ദേഹം തുടങ്ങി തുടര്‍ന്ന് വരുന്ന പ്രവര്‍ത്തികളില്‍ അദ്ദേഹത്തിന്റെ മക്കള്‍ക്കും ബര്‍ക്കത്ത് ചൊരിയട്ടെ.