Showing posts with label FLASH NEWS. Show all posts
മോട്ടോര്വാഹന നിയമലംഘനത്തിനുള്ള വർധിപ്പിച്ചപിഴ നാളെ മുതൽ.ഹെല്മറ്റില്ലാതെ ഇരുചക്രവാഹനങ്ങള് ഓടിക്കുന്നവര്ക്ക് ഇനിമുതല് 500 രൂപയാണ് പിഴ.ഇരുചക്രവാഹനങ്ങള്ക്ക് പുകപരിശോധനാ സര്ട്ടിഫിക്കറ്റ് ഇല്ലാത്തതിനും 500 രൂപയും ഇന്ഷുറന്സ് ഇല്ലാത്തതിന് 10,000 രൂപയുമാണ് പിഴ.രേഖകള് ഇല്ലാതെ ഇരുചക്രവാഹനങ്ങളില് യാത്ര ചെയ്യുന്നവരില് നിന്നും 500 രൂപ പിഴ ഈടാക്കുകയും വാഹനം പിടിച്ചെടുക്കുകയും ചെയ്യും. ഇരുചക്രവാഹനത്തില് രണ്ടിലധികം പേര് യാത്ര ചെയ്താല് 1000 രൂപയായിരിക്കും പിഴ.കാറുകളില് സീറ്റ് ബെല്റ്റ് ധരിക്കാത്തവരില് നിന്നും 1000 രൂപയും പുകപരിശോധനാ സര്ട്ടിഫിക്കറ്റ് ഇല്ലാത്തവരില് നിന്നും 1500 രൂപയുമായിരിക്കും പിഴ ഈടാക്കുന്നത്. ഇന്ഷുറന്സ് ഇല്ലാത്ത കാറുകള്ക്ക് പിഴ 10,000 രൂപ. രേഖകളില്ലാത്തതിന് 5000 രൂപ പിഴ ഈടാക്കുന്നതു കൂടാതെ വാഹനം പിടിച്ചെടുക്കുകയും ചെയ്യും. കോടതിയിലൂടെ മാത്രമേ വാഹനം തിരികെ ലഭിക്കൂ.ലൈസന്സ് ഇല്ലാതെ വാഹനം ഓടിക്കുന്നവരില് നിന്നും 10,000 രൂപ പിഴ ഈടാക്കുകയും വാഹനം പിടിച്ചെടുക്കുകയും ചെയ്യും. വാഹനമോടിക്കുന്നതിനിടെ മൊബൈല് ഫോണ് ഉപയോഗിക്കുന്നവര്ക്കുള്ള പിഴ 5,000 രൂപയാക്കി വർധിപ്പിച്ചു.മൂന്നു തവണ നിയമലംഘനം നടത്തുന്നവരുടെ ലൈസന്സ് പിടിച്ചെടുക്കുമെന്നും പുതുക്കിയ നിയമത്തിൽ വ്യവസ്ഥയുണ്ട്


1. വാര്‍ദ്ധക്യകാല പെന്‍ഷന്‍
അപേക്ഷിക്കേണ്ട വിധം:- നിര്‍ദ്ദിഷ്ട ഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ , പ്രായം തെളിയിക്കുന്നതിന് ജനനസര്‍ട്ടിഫിക്കറ്റ്/മെഡിക്കല്‍ ഓഫീസറുടെ സര്‍ട്ടിഫിക്കറ്റ്, റേഷന്‍ കാര്‍ഡിന്റെ കോപ്പി, ഭൂസ്വത്തിന്റെ വിവരങ്ങള്‍ .
നിബന്ധനകള്‍ *:- 65 വയസ്സിനുമുകളില്‍ പ്രായം. കുടുംബവാര്‍ഷിക വരുമാനം 11,000 രൂപയില്‍ കവിയരുത്. മറ്റു പെന്‍ഷനുകള്‍ വാങ്ങുന്നവരാകരുത്. മുന്നുവര്‍ഷമായി കേരളത്തില്‍ താമസിക്കുന്നവരാകണം. വൃദ്ധസദനത്തിലേയോ, ശരണാലയത്തിലേയോ അന്തേവാസിയായിരിക്കരുത്. യാചകവൃത്തി തൊഴിലായി സ്വീകരിച്ചവരാകരുത്. 20 വയസ്സിനു മുകളില്‍ പ്രായമുള്ള ആണ്‍മക്കളുള്ളവരാകരുത്.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി **:- 30 ദിവസത്തിനകം അന്വേഷണം. ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണസമിതിയുടേയും തീരുമാനപ്രകാരം ജില്ലാകളക്ടര്‍ക്ക് അയയ്ക്കും. പാസ്സായിവരുന്ന മുറയ്ക്ക് പണത്തിന്റെ ലഭ്യതയനുസരിച്ച് മണിയോര്‍ഡറായി അയയ്ക്കുന്നു.

2. അഗതി പെന്‍ഷന്‍ (വിധവകള്‍ക്കും വിവാഹമോചിതര്‍ക്കും)
അപേക്ഷിക്കേണ്ട വിധം:- നിര്‍ദ്ദിഷ്ടഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ , റേഷന്‍കാര്‍ഡിന്റെ കോപ്പി, ഭൂസ്വത്തിന്റെ വിവരങ്ങള്‍ , വരുമാനം തെളിയിക്കുന്ന രേഖ, ഭര്‍ത്താവിന്റെ മരണസര്‍ട്ടിഫിക്കറ്റ്/ഏഴു വര്‍ഷമായി ഭര്‍ത്താവിനെക്കുറിച്ച് യാതൊരു വിവരവുമില്ലാത്തവര്‍ അതു സംബന്ധിച്ച രേഖ/ വിവാഹമോചിതയാണെന്നു തെളിയിക്കുന്ന രേഖ എന്നിവ ഹാജരാക്കണം.
നിബന്ധനകള്‍ *:-കുടുംബവാര്‍ഷിക വരുമാനം 3,600 രൂപയില്‍ കവിയരുത്. മറ്റു പെന്‍ഷനുകള്‍ വാങ്ങുന്നവര്‍ ആകരുത്. രണ്ടു വര്‍ഷമായി കേരളത്തില്‍ താമസിക്കുന്നവരാകണം. യാചകവൃത്തി തൊഴിലായി സ്വീകരിച്ചവരാകരുത്.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി **:- 30 ദിവസത്തിനകം അന്വേഷണം. ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണസമിതിയുടേയും തീരുമാനപ്രകാരം ജില്ലാകളക്ടര്‍ക്ക് അയയ്ക്കും. പാസ്സായി വരുന്ന മുറയ്ക്ക് പണത്തിന്റെ ലഭ്യതയനുസരിച്ച് മണിയോര്‍ഡറായി അയയ്ക്കുന്നു.

3. വികലാംഗപെന്‍ഷന്‍ (വികലാംഗര്‍ ‍, അംഗവൈകല്യം സംവിച്ചവര്‍ ‍, ബുദ്ധിമാന്ദ്യം സംഭവിച്ചര്‍ ‍, ബധിരര്‍ ‍, മൂകര്‍ , അന്ധര്‍ തുടങ്ങിയവര്‍ക്ക്)
അപേക്ഷിക്കേണ്ട വിധം:- നിര്‍ദ്ദിഷ്ട ഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ .
നിബന്ധനകള്‍ *:- 40 ശതമാനത്തില്‍ കുറയാത്ത വൈകല്യമുണ്ടെന്ന് മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റ് (ഓരോ വൈകല്യത്തിനും പ്രത്യേക ശതമാനമാവശ്യമാണ്) കുടുംബ വാര്‍ഷികവരുമാനം 6,000 രൂപയില്‍ കവിയരുത്.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി **:- 30 ദിവസത്തിനകം അന്വേഷണം കഴിഞ്ഞ് അടുത്ത ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണ സമിതിയുടേയും തീരുമാന പ്രകാരം പാസ്സായി വരുന്ന മുറയ്ക്ക് പണത്തിന്റെ ലഭ്യതയനുസരിച്ച് മണിയോര്‍ഡറായി അയയ്ക്കുന്നു.

4. കര്‍ഷക തൊഴിലാളി പെന്‍ഷന്‍
അപേക്ഷിക്കേണ്ട വിധം:- നിര്‍ദ്ദിഷ്ട ഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ (റേഷന്‍കാര്‍ഡിന്റെ കോപ്പി, ഭൂസ്വത്തിന്റെ വിവരങ്ങള്‍ , കര്‍ഷകതൊഴിലാളി ക്ഷേമനിധിയില്‍ അംഗമായിരുന്നതിന്റെ സാക്ഷ്യപത്രം, കേരളത്തില്‍ പത്തുവര്‍ഷമായി സ്ഥിര താമസമായിരിക്കണം, 60 വയസ്സ് തികഞ്ഞിരിക്കണം).
നിബന്ധനകള്‍ *:- പ്രായം തെളിയിക്കുന്ന സര്‍ട്ടിഫിക്കറ്റ് (തിരിച്ചറിയല്‍ കാര്‍ഡ്/ജനന സര്‍ട്ടിഫിക്കറ്റ്/സ്കൂള്‍ സര്‍ട്ടിഫിക്കറ്റ്/മെഡിക്കല്‍ സര്‍ട്ടിഫിക്കറ്റ്) കുടുംബവാര്‍ഷിക വരുമാനം 5400/-രൂപയില്‍ കവിയരുത്.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി**:- 30 ദിവസത്തിനകം അന്വേഷണം കഴിഞ്ഞ് ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണ സമിതിയുടേയും തീരുമാന പ്രകാരം ജില്ലാലേബര്‍ ഓഫീസര്‍ക്ക് അയയ്ക്കും. പാസ്സായിവരുന്ന മുറയ്ക്ക് പണത്തിന്റെ ലഭ്യതയനുസരിച്ച് മണിയോര്‍ഡറായി അയയ്ക്കുന്നു.

5. 50 വയസ്സിനു മുകളില്‍ പ്രായമുള്ള അവിവാഹിതകള്‍ക്കുള്ള പെന്‍ഷന്‍
അപേക്ഷിക്കേണ്ട വിധം:- നിര്‍ദ്ദിഷ്ടഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ .
നിബന്ധനകള്‍ *:-പ്രായം, വരുമാനം, വിവാഹിതയല്ലെന്നുള്ളത് തെളിയിക്കുന്ന സര്‍ട്ടിഫിക്കറ്റ്. വാര്‍ഷികവരുമാനം 6,000-ത്തില്‍ കവിയരുത്. സംസ്ഥാനത്ത് സ്ഥിരതമാസമായിരിക്കണം.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി **:- 30 ദിവസത്തിനകം അന്വേഷണം കഴിഞ്ഞ് ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണ സമിതിയുടേയും തീരുമാന പ്രകാരം പാസ്സായിവരുന്ന മുറയ്ക്ക് പണത്തിന്റെ ലഭ്യതയനുസരിച്ച് മണിയോര്‍ഡറായി അയയ്ക്കുന്നു.

6. തൊഴില്‍രഹിത വേതനം
അപേക്ഷിക്കേണ്ട വിധം:- നിര്‍ദ്ദിഷ്ട ഫോറത്തിലുള്ള അപേക്ഷകളുടെ രണ്ടു പകര്‍പ്പുകള്‍ (എസ്.എസ്.എല്‍ .സി ബുക്ക്, എംപ്ളോയ്മെന്റ് കാര്‍ഡ്, റേഷന്‍ കാര്‍ഡിന്റെ കോപ്പി, ടി.സി., വരുമാനസര്‍ട്ടിഫിക്കറ്റ് എന്നിവ ഹാജരാക്കണം).
നിബന്ധനകള്‍ *:- വാര്‍ഷികവരുമാനം 12,000-ല്‍ കവിയരുത്. അപേക്ഷകന് സ്വന്തമായി 100 രൂപയില്‍ കൂടുതല്‍ പ്രതിമാസ വരുമാനമുണ്ടാകരുത്. രജിസ്ട്രേഷന്‍ യഥാകാലം പുതുക്കിയിരിക്കണം. 18 വയസ്സിനുശേഷം തുടര്‍ച്ചയായി മൂന്ന് വര്‍ഷം രജിസ്ട്രേഷന്‍ , 35 വയസ്സ് കഴിയരുത്. വിദ്യാര്‍ത്ഥി ആയിരിക്കരുത്.
അടക്കേണ്ട ഫീസ്:- ഫീസില്ല.
സേവനം ലഭിക്കുന്ന സമയപരിധി **:- 30 ദിവസത്തിനകം അന്വേഷണം. ക്ഷേമകാര്യ സ്റാന്റിംഗ് കമ്മിറ്റിയുടേയും ഭരണസമിതിയുടേയും തീരുമാനപ്രകാരം ജില്ലാ എംപ്ളോയ്മെന്റ് ഓഫീസര്‍ക്ക് അയയ്ക്കും. പാസ്സായിവരുന്ന മുറയ്ക്ക് ഫണ്ടിന്റെ ലഭ്യതയനുസരിച്ച് പണമായി അയയ്ക്കുന്നു.


കൊണ്ടോട്ടി: മഹാകവി മോയിന്‍കുട്ടി വൈദ്യര്‍സ്മാരക അക്കാദമിയുടെ വാര്‍ഷിക ഗ്രാന്റ് 2 ലക്ഷം രൂപയില്‍ നിന്നും 50 ലക്ഷം രൂപയായി ഉയര്‍ത്തിയതായി കെ.മുഹമ്മദുണ്ണി ഹാജി എം.എല്‍.എ അറിയിച്ചു. നേരത്തെ ബജറ്റ് അവതരണ വേളയില്‍ വാര്‍ഷിക ഗ്രാന്റ് ഒരു ലക്ഷം രൂപയില്‍ നിന്നും രണ്ട് ലക്ഷം രൂപയായി വര്‍ദ്ധിപ്പിച്ചിരുന്നു. അക്കാദമിയുടെ പ്രവര്‍ത്തനത്തിന് ഇത് തികയില്ല എന്ന ആക്ഷേപം ഉയര്‍ത്തിയതിനെ തുടര്‍ന്നാണ് തുക 50 ലക്ഷം രൂപയായി ഉയര്‍ത്തിയത്. ഇത് അക്കാദമിയുടെ വിവിധ പ്രവര്‍ത്തനങ്ങള്‍ക്ക് ഏറെ സഹായകരമാവും.


കൊണ്ടോട്ടി: പുതിയ താലൂക്ക് രൂപീകരിച്ചതില്‍ അഭിനന്ദന പ്രവാഹം. യു.ഡി.എഫ് സര്‍ക്കാറിനും, കെ.മുഹമ്മദുണ്ണി ഹാജി എം.എല്‍.എ ക്കും അഭിനന്ദനവുമായി വിവിധ കേന്ദ്രങ്ങളില്‍ പ്രകടനം നടന്നു. ബജറ്റില്‍ 3 കോടി രൂപ അനുവദിച്ചതും, കൊണ്ടോട്ടി ഗ്രാമ പഞ്ചായത്ത് സ്ഥലം കണ്ടെത്തിയതും തുടര്‍ നടപടികള്‍ എളുപ്പത്തിലാകും.
കൊണ്ടോട്ടിയില്‍ മണ്ഡലം യൂത്ത്‌ലീഗ് കമ്മറ്റി പ്രകടനം നടത്തി. എ.മുഹിയുദ്ധീന്‍ അലി, കെ.എ.ബഷീര്‍, അഡ്വ.എം.കെ.നൗഷാദ്, റഫീഖ് മധുരക്കുഴി, അഡ്വ. കെ.പി.കാസിം, ഇ.ടി.ബഷീര്‍, ശരീഫ് പാലാട്ട്, നസീഫ് ചെറുകാവ് തുടങ്ങിയവര്‍ നേതൃത്വം നല്‍കി.
ഉമ്മന്‍ ചാണ്ടി സര്‍ക്കാറിനെയും, വകുപ്പ് മന്ത്രി, എം.എല്‍.എ തുടങ്ങിയവരെ ദേശീയ ഓട്ടോറിക്ഷ ഡ്രൈവേഴ്‌സ് യൂണിയന്‍ (INTUC), കൊണ്ടോട്ടി അഭിനന്ദിച്ചു. യോഗം പുതിയറക്കല്‍ സലീം ഉല്‍ഘാടനം ചെയ്തു. കെ.ബാലന്‍, ബാബുരാജന്‍, അബ്ദുസമദ്, ജലീല്‍, അനൂപ് പ്രസംഗിച്ചു.
കൊണ്ടോട്ടി: വാനിടിച്ച് പരിക്കേറ്റ് ചികിത്സയിലായിരുന്ന നീറാട് പള്ളിയാളിതൊടിയില്‍ ഇ.കെ.ഹസ്സന്‍ കോയയുടെ ഭാര്യ പാതിരിക്കോടന്‍ നഫീസ(40) നിര്യാതയായി.
കൊണ്ടോട്ടി ആസ്ഥാനമായി പുതിയ താലൂക്ക്‌ അനുവദിച്ച UDF സര്‍ക്കാരിനു അഭിവാദ്യങ്ങള്‍.
www.NeeradONLiNE.com

Copyright © 2012 NeeradONLiNE.COM .